එක්වෙමු ලංකා සංවිදානය මගින් ලංකාවේ පාසල් 75 ක් කරා සහයෝගිතාවය එතිකරමින් ගමන් කරන මෙම ගමනේ දෙවන අදියර 2011/10/24 දින දකුණු පළාත මුලිකකරගනිමින් ආරම්භ කරන ලදී.එම දිනයේ ප්‍රථමයෙන් අප සංවිදානයේ ක්‍රියාශීලි පාසලක් වන ගාල්ල සංගමිත්තා බාලිකා පාසැල වෙත ගමන් කරන ලදී. එහිදී ඔවුන් අප සංවිදානය සමග එක්ව දැනට සිදුකර එති වෙඩසටහන් පිළිබදව ඔවුන් දිරිමත් කරන ලදී.ඉන්පසු පිලිවෙලින් ගාල්ල රිච්මන්ඩ් විද්‍යාලය සහ සෙක්‍රඩ් හාර්ට් පාසැල වෙත ගමන් කල අප එම පාසල් වල එක්වෙමු ලංකා සංවිදානයේ සාමාජික සිසු සිසුවියන් විසින් ඉමහත් ලෙන්ගතුව පිළිගනු ලැබීය.එදින සවස එම පාසලේ කෙටි එක්වෙමු ලංකා වැඩමුළුවක් පෙවෙත්වූ අතර එහිදී ගාල්ල දිස්ත්‍රික්කයේ අවට පාසල් කිහිපයක්ද සමග එක්ව අප සංවිදානයේ වෙඩසටහන් පිළිබදව ප්‍රයෝගික ක්‍රියාකාරකම් තුලින් අවබෝද කරවන්නට විය.
2011/10/25 දින අප මාතර දිස්ත්‍රික්කයට පැමිණි අතර ශාන්ත තෝමස් විද්‍යාලය,සුජාත බාලිකා විද්‍යාලය,රාහුල විද්‍යාලය එතුලු තවත් පාසල් කීපයක් එක්ව ශාන්ත තෝමස් විද්‍යාලයේ එක්වෙමු ලංකා වැඩමුළුවක් පවත් වනු ලැබීය . එහිදී සිදුවූ විශේෂ සිදුවීමනම් දකුණේ සිංහල බෞද්ධ පාසලක ලංකාවේ උතුරු නැගෙනහිර ඇතුළු සියලු දිස්ත්‍රික්ක නියෝජනය කරමින් පැමිණි දමිල මුස්ලිම්,සිංහල සිසුන් එකම වේදිකාවක නැගිසිටින්නට විය.ඊට අමතරව එම උතුරු නැගෙනහිර පළාත්වලින් පැමිණි සිසුන් හට මෙම දකුණේ පාසල් කරා යන ගමන ඔවුන්ගේ ජීවිතයේ කවදාවත් ලැබිය නොහැකි අද්දැකීම් ලබාගන්නට එය කදිම අවස්ථාවක් වුනු අතර පසුදින අප කණ්ඩායම වෙහෙරහේන රජමහ විහාරය,දෙවුන්දර තුඩුව,පොල්හේන මුහුදු තීරය,වැනි දකුණු පළාතේ විශේෂ වැදගත් කමක් ඇති ස්ථාන වලට සංචාරය කරන්නට විය.මෙම ගමනට එක්වුණු අපගේ දමිල,මුස්ලිම් මිතුරන් හට ඔවුන් කවදාවත් නොදුටු ස්ථාන කරා ගමන් කරන්නට හැකිවිය.එය ඔවුන්ට විශේෂ අද්දැකීමක් විය.
No comments:
Post a Comment